Զեղծարարները թիրախավորում են արցախցիներին. Սամվել Մարտիրոսյանը զգուշացնում է

Տեղեկատվական անվտանգության մասնագետ Սամվել Մարտիրոսյանն արցախցիներին զգուշացրել է հերթական զեղծարարության մասին.

«Զգուշացնում եմ, որ զեղծարարները թիրախավորում են արցախցիներին, ներկայանում են բարեգործական գործողություններով զբաղվող բլոգերի անունից (անունը չեմ տալիս, քանի որ տվյալ մարդը մեղք չունի, որ իր անունից են ներկայանում։ Առավելեւս, որ կարող են մեկ այլ մարդու անունից ներկայանալ)։

Հետո շտապեցնում են, առաջարկում ստանալ մեծ գումար։ Բայց շտապ, քանի որ, իբր, վերջին օրն է։ Հետո գումար պահանջում, ավելի փոքր, մեծ գումարը ստանալու համար։

Հետո ձեռի հետ անձնական տվյալներ հավաքում։ Ամեն դեպքում, եթե ձեզ շտապեցնում են, կամ գումար են ուզում օգնություն տրամադրելու համար - դա արդեն հստակ խաբեության նշան է»։