ԱՄՆ-ին ոչ ոք իրավունք չի տվել Իրանին զրկել միջnւկային ծրագրի իրականացումից. Փեզեշքիան

 Իրանի նախագահ Մասուդ Փեզեշքիանը հայտարարել է, որ ԱՄՆ վարչակազմին ոչ ոք իրավունք չի տվել Իրանին զրկել միջուկային էներգետիկան զարգացնելու հնարավորությունից։

«ԱՄՆ նախագահը հայտարարում է, որ Իրանը չպետք է օգտագործի իր միջուկային իրավունքները, բայց չի բացատրում, թե հատկապես ինչու։

Եվ ընդհանրապես, ո՞վ է նա այս աշխարհում, որ ժողովրդին զրկի իր օրինական իրավունքներից։ Մարդկային սկզբունքների տեսանկյունից յուրաքանչյուր ազատ մարդ, անկախ կրոնից, դավանանքից, ռասայից և էթնիկ պատկանելությունից, պետք է օգտվի իր անօտարելի իրավունքներից, և մենք նույնպես պահանջում ենք, որ միջազգային համակարգում բոլոր ժողովուրդների հետ վարվեն արդարության և ազնվության հիման վրա»,- ասել է Իրանի նախագահը։