«Սահմանազատումը» Տավուշի Բաղանիս-Ոսկեպար հատվածում. Դավիթ Գալստյան

Լրագրող Դավիթ Գալստյանը գրել է.

««Սահմանազատումը» Տավուշի Բաղանիս-Ոսկեպար հատվածում

Google-ի քարտեզի վրա նշել եմ, թե ինչպես ա անցել նոր սահմանը։ Դեղինով Google-ի սահմանն ա, կարմիրով՝ «սահմանազատման/սահմանագծման» շրջանակներում հաստատված նոր սահմանը:

Նշված են նաև այն դիրքերը, որոնցից գործընթացի արդյունքում հետ են քաշվել ՀՀ զինված ուժերը:

Ադրբեջանը ստացել ա ոչ միայն անմիջականորեն ՀՀ ԶՈՒ վերահսկողության տակ գտնվող տարածքը (ինչը նշել եմ) այլ նաև «չեզոք գոտին» (միջդիրքային տարածությունը):

N.B. Կարող եք նկատել, որ Ոսկեպարի եկեղեցուց հյուսիս կարմիր գիծն ընդհատվում ա: Էս 400-450 մետրանոց հատվածում, վերջի տվյալներով, ցանկապատ տեղադրված չի:

Սա նախկին Ներքին Ոսկեպար գյուղով անցնող հատվածն ա: Ձախ կողմում երևում ա դեպի Վրաստան տանող ճանապարհի երկայնքով տեղակայված հայկական կիսակառույց տների շարքը:

Ավելի վաղ գրել էի Կիրանցի հատվածում նոր սահմանի մասին»։