Թբիլիսիում քննարկվում է 70 հարկանի Trump Tower-ի նախագիծը. WSJ

Թբիլիսիում քննարկվում է The Trump Organization բրենդով բազմաֆունկցիոնալ բարձրահարկի կառուցման նախագիծը։ Այս մասին գրում է The Wall Street Journal-ը։

Հրատարակության տվյալներով՝ խոսքը վերաբերում է Trump Tower Tbilisi-ին՝ մոտավորապես 70 հարկանի շենքի, որը կարող է դառնալ մայրաքաղաքում ամենաբարձրը։

Նախագիծը ներառում է պրեմիում դասի բնակելի տարածքներ, առևտրային տարածքներ և հյուրանոցային տիպի ծառայություններ։

Ճարտարապետական դիզայնով զբաղվում է Gensler ընկերությունը, իսկ գործընկերների թվում են Archi Group-ը, Biograpi Living-ը և Sapir Organization-ը:

Ինչպես նշում է հրատարակությունը, նախագիծը արտացոլում է ընկերության միջազգային ընդլայնման ռազմավարությունը։ Միևնույն ժամանակ, նման նախագծերը որոշակի քննարկումներ են առաջացնում հնարավոր ռիսկերի հետ կապված։

Նշվում է նաև, որ 2012 թվականին նմանատիպ նախագիծ նախատեսվում էր Բաթումում, սակայն այն չի իրականացվել։

The Wall Street Journal-ի տվյալներով՝ Վրաստան շարունակում է մնալ ներդրողների համար գրավիչ երկիր՝ բիզնեսին ուղղված միջավայրի, ցածր հարկերի և աճող զբոսաշրջության պայմաններում` չնայած առկա աշխարհաքաղաքական մարտահրավերներին։

Աղբյուրը՝ Vector News