Ապօրինի փորագրություն

Մայիսի 22-ին «Արթիկ» քրեակատարողական հիմնարկի աշխատակիցները, իրացնելով օպերատիվ տվյալները, դատապարտյալ Գ.Վ.-ին հասցեագրված, Արթիկ քաղաքի 30-ամյա բնակիչ Ա.Մ.-ի բերած, փայտյա շինանյութի զննությամբ փայտի մեջ փորված թաքստոցից հայտնաբերել են պոլիէթիլենով փաթեթավորված երկու փաթեթ:

Փաթեթների մեջ եղել են 0,4 և 0,7 գրամ քաշերով կանաչադարչնագույն, չորացված, մանրացված բուսական զանգվածներ և պոլիէթիլենով փաթեթավորված երեք առանձին փաթեթ, որոնցից յուրաքանչյուրի մեջ առկա էր մեկական սպիտակ, օվալաձև դեղահաբ՝ 1,2 գրամ ընդհանուր կշռով: Փայտյա շինանյութը նախատեսված է եղել փայտափորագրման աշխատանքների համար:

«Հայտնաբերված զանգվածները փաթեթավորվել և ուղարկվել են փորձաքննության: Կատարվում է հետաքննություն»,- հայտնում է արդարադատության նախարարությունը: