Նիկոլ Փաշինյանը սխալմամբ շնորհակալություն է հայտնել Պուտինին՝ Արցախում պատերազմը «վերականգնելու» համար

ՀՀ նախկին վարչապետ Նիկոլ Փաշինյանը աշխատանքային երկօրյա այցով գտնվում է Ռուսաստանի Կազան քաղաքում, որտեղ մասնակցում է Եվրասիական միջկառավարական խորհրդի ընդլայնված կազմով նիստին։

Երեկ ունեցած ելույթի ընթացքում Փաշինյանը ցանկացել է շնորհակալություն հայտնել Ռուսաստանին և այդ երկրի նախագահ Վլադիմիր Պուտինին՝ Արցախյան երկրորդ պատերազմը դադարեցնելու կապակցությամբ։

Սակայն ելույթի ընթացքում Փաշինյանը սխալմամբ ռուսերեն «в остановлении» բառի փոխարեն ասել է «в восстановлении»:

«Ցանկանում եմ հատուկ նշել այն դերակատարումը, որը Ռուսաստանը և ՌԴ նախագահ Վլադիմիր Վլադիմիրովիչ Պուտինը ունեցել են Լեռնային Ղարաբաղում պատերազմը վերականգնելու համար» (ռս.՝ «Хочу особенно отметить ту роль, которая Россия и президент РФ Владимир Владимирович Путин  сыграли в восстановлении войны в Нагорном Карабахе»)․ – ասել էր Փաշինյանը։