Պուտինը Բեռլուսկոնիին նախարարի պաշտոն է առաջարկել

Իտալական  La Stampa թերթը նյութ է հրապարակել, որում ասվում է, թե երկրի նախկին վարչապետ Սիլվիո Բեռլուսկոնին «Առաջ, Իտալիա» կուսակցության անդամների հետ ընթրիքի ժամանակ պատմել է, որ ՌԴ նախագահ Վլադիմիր Պուտինն իրեն ՌԴ քաղաքացիություն և նախարարի պաշտոն է առաջարկել. հայտնում է Газета.ру-ն:

«Կարծում եմ՝ Իտալիայում ինձ քաղաքական կյանքի ծայրն են մղել, իսկ Պուտինն ինձ ասել է, որ պատրաստ է ինձ քաղաքացիություն և տնտեսության նախարարի պաշտոն տալ»,- իբր ասել է Բեռլուսկոնին:

Ինչ պաշտոն նկատի ունի Բեռլուսկոնին, «տնտեսության նախարար» աելով, թերթը չի բացատրում: Газета.ру-ն նշում է, որ նման պաշտոն ռուսական կառավարությունում չկա: