Հաքերը հափշտակել է մալայզիական Boeing 777-ի անհետացման հետաքննության տվյալները

Անհայտ հաքերը հափշտակել է Malaysia Airlines ավիաընկերության՝ անհետացած Boeing 777 օդանավի գործով հետաքննության ստացած տվյալները: Այդ մասին հայտնում է մալայզիական Star թերթը. գրում է РИА Новости-ն:

Ենթադրվում է, որ հաքերը գտնվում է Չինաստանում:

Հաքերական հարձակման են ենթարկվել МН370-ի անհետացման հետաքննությամբ զբաղվող կառույցներում պաշտոնյաների համակարգիչները : Այդ թվում՝ Մալայզիայի Քաղավիացիայի վարչության, Մալայզիայի Ազգային անվտանգության խորհրդի և  Malaysia Airlines ավիաընկերության:

Հիշեցնենք, այս տարվա մարտի 8-ին Malaysia Airlines-ի  Boeing 777-200 օդանավը՝ 227 ուղևորներով և անձնակազմի 12 անդամներով, անհետացել է: