Մալայզիական Boeing-ը ԱՄՆ-ն է ոչնչացրել. Ժիրինովսկի

Ռուսաստանի Լիբերալ-դեմոկրատական կուսակցության ղեկավար Վլադիմիր ժիրինովսկին կարծում է, որ ԱՄՆ-ը կապ ունի Malaysia Airlines ավիաընկերության Boeing 777-ի անհետացման հետ. գրում է РИА Новости-ն:

 Ըստ նրա՝ օդանավն ուղղակի ոչնչացրել են:

«Դա  ամերիկացիներն են արել, քանի որ ինքնաթիռների արտադրության ժամանակ կառավարման համակարգում անհրաժեշտ սարքավորումներ են տեղադրում, որոնց միջոցով էլ ԱՄՆ-ի ռազմածովային որոշ կայաններ կարող են ազդել օդանավի ուղղության վրա, շեղել ուղղությունը», - լրագրողներին ասել է Ժիրինովսկին:

Ըստ նրա՝ տվյալ դեպքում օդանավը պարզապես ոչնչացրել են: «Դա համապատասխան սարքավորումների կիրառումը ստուգելու արձագանքն է եղել»,- ասել է Ժիրինովսկին:

Նա նշել է, որ անհրաժեշտության դեպքում ամերիկացիները կարող են ցանկացած ինքնաթիռ ոչնչացնել: