Մոսկվան բողոքի նոտա է հղել Փարիզին

Ռուսաստանի ԱԳ նախարարությունը բողոքի նոտա է հղել Ֆրանսիային` Ռուսաստանի արշավային կորպուսի հիշատակին Փարիզում տեղադրված հուշարձանը պղծելու համար: Lenta.ru կայքի հաղորդմամբ` այդ կորպուսի զինվորներն Առաջին համաշխարհային պատերազմի տարիներին կռվել են Ֆրանսիայում, իսկ այդ արձանի բացման արարողությունը տեղի էր ունեցել 2011թ.:

Փետրվարի 7-ին, սակայն, համացանցում հայտնվել էին լուսանկարները, որոնցից երեւում է, թե ինչպես անհայտ անձինք բրոնզաձույլ արձանը փաթաթել են կտորեղենով, իսկ հուշարձանի որոշ հատվածներ անգամ ներկել վարդագույն, կապույտ եւ մանուշակագույն երանգներով: Հուշարձանի վրա գրված է եղել նաեւ հետեւյալ գրությունը` «Ազատություն Pussy Riot-ին»:

Մոսկվան պահանջում է վերականգնել արձանի նախկին տեսքը, գտնել մեղավորներին եւ պատժել նրանց: