ԱՄՆ-ը օգնության ձեռք է մեկնում Եվրոպային

ԱՄՆ-ը, սեփական տնտեսության վերելքով զբաղվելով, միաժամանակ կարող է օգնել Եվրոպային` ձերբազատվել պարտքային ճգնաժամից. Ֆրանսիայի նախագահ Նիկոլա Սարկոզիի հետ համատեղ հեռուստահարցազրույցում հայտարարել է ԱՄՆ նախագահ Բարաք Օբաման:

«Հիմնական բաներից մեկը, որ կարող եմ անել, ԱՄՆ տնտեսական աճ ապահովելն է: Մեզ հարկավոր է կրճատել մեր բյուջետային դեֆիցիտը, խթանել տնտեսական զարգացումը: Ես Կոնգրեսին առաջարկել եմ օրենք աշխատատեղերի ստեղծման մասին: Դա առավելություն կտա նաեւ Եվրոպային, քանի որ ԱՄՆ տնտեսական աճը կհասնի 5 տոկոսի` 1 կամ 2 տոկոսի փոխարեն, իսկ դա ուղղակի ներդրում է, մասնավորապես` եվրոպական արտահանման մեջ»,- ասել է Օբաման` պատասխանելով հարցին, թե ինչ ներդրում կարող է ունենալ ԱՄՆ-ը եվրոպական հիմնախնդիրների լուծման գործում:

Նա նաեւ հավելել է, որ «ֆինանսական հոսքերն այսօր գլոբալ են»: