Զինադադարը պետք է ամբողջությամբ ներառի Լիբանանը․ Մակրոն

Զինադադարը պետք է ամբողջությամբ ներառի Լիբանանը, դա անհրաժեշտ է։ Այս մասին հայտարարել է Ֆրանսիայի նախագահ Էմանուել Մակրոնը։

«Հեզբոլլահը ռազմավարական սխալ թույլ տվեց՝ հարձակվելով Իսրայելի վրա և ներքաշելով Լիբանանը տարածաշրջանային ճգնաժամի մեջ։

Իսրայելի հարվածները և հարավային Լիբանանի օկուպացիան չեն կարող երկարաժամկետ լուծում լինել։ Մենք պետք է ուժեղացնենք Լիբանանի զինված ուժերի աջակցությունը, որպեսզի նրանք կարողանան լիովին վերականգնել իրենց տարածքի վերահսկողությունը»,-ասել է նա։

Ավելի վաղ հայտնել էինք, որ Լիբանանի վրա Իսրայելի հարվածների հետևանքով Իրանը կրկին փակել է Հորմուզի նեղուցը

ԱՄՆ նախագահ Դոնալդ Թրամփն էլ հայտարարել է, որ Լիբանանը չի ներառվել հրադադարի համաձայնագրում։