«Տաշիր Կապիտալ»-ի ներկայացուցիչները ՀԾԿՀ նախագահին բացարկ հայտնեցին․ նա խնամիական կապեր ունի Սասուն Միքայելյանի հետ

«Տաշիր կապիտալ» ընկերության ներկայացուցիչները բացարկի միջնորդություն են ներկայացնում Հանրային ծառայությունները կարգավորող  հանձնաժողովի նախագահ Մեսրոպ Մեսրոպյանին: Ընկերության իրավաբանական խմբի անդամ Վարդան Ալոյանը պարզաբանեց, որ Մեսրոպ Մեսրոպյանը ՔՊ կուսակցության անդամ է, ՀԿԾՀ տնօրեն պետք է առաջադրի կառավարությունը, սակայն նրան այդ պաշտոնում առաջադրել են ՔՊ կուսակցության նիստում, որին նա ներկա է եղել։ Բացի այդ, Մեսրոպյանը նաև խնամիական կապի մեջ է ՔՊ հիմնադիր անդամներից Սասուն Միքայելյանի հետ։ 

«Սրանք ինքնին կաշկանդող են համարվում Մեսրոպյանի արդար գործունեության համար, քանզի դրանցով ապացուցվում է վերջինիս ամուր քաղաքական կապը իշխող կուսակցության հետ»,–նշեց նա։