Պարզ էր, որ հաղթող թեկնածուի դեմ այս ամենը պետք է արվեր․ Մարտուն Գրիգորյան

Առավոտից իրականացվող խուզարկությունները կապված են  ընտրությունների հետ։ Այս մասին այսօր՝ մարտի 27-ին, լրագրողների հետ զրույցում հայտարարեց «Մեր քաղաքը» դաշինքի կողմից Գյումրու քաղաքապետի թեկնածու առաջադրված Մարտուն Գրիգորյանը։

«Ընտրություններին մոտ երեք օր է մնացել։ Ինչ-որ քրեական գործեր են սարքում հորս վրա, տղայիս վրա, ոնց հասկանում եմ՝  հայտնի շիբինի գործն է։ Ես գործի մասին չեմ ծանուցվել, սպասում եմ՝ փաստաբանը գա»,-ասաց թեկնածուն։

Նա մանրամասնեց, որ մարտի սկզբին որպես պատգամավոր փողոցներ են շիբինապատել, ինչը փորձում են ներկայացնել որպես ընտրակաշառք։

«Ոչ մի խնդիր չկա, սա աշխատելու է իրենց դեմ, ոչ մի ճնշվածություն չկա։ Մենք սովոր ենք, ես ասել եմ, մշտապես ընտրություններից առաջ իմ, իմ թիմի, իմ ընտանիքի անդամների դեմ արվել է, այնպես սովորական բան է»,-ասաց թեկնածուն։

Մանրամասն՝ տեսանյութում