Ռուս-ադրբեջանական հարաբերություններում առկա մեղմ ասած տարաձայնությունները արդեն իսկ զգալիորեն տեսանելի են դառնում․ իրանագետ

Բաքվի բարբարոսական վարչախմբի և Ռուսաստանի միջև «օդանավային հակամարտությունը» շարունակվում է։ Այս մասին գրում է իրանագետ Վարդան Ոսկանյանն իր տելեգրամյան ալիքում։

«Այս վարչախմբի ամենահայտնի քարոզչամիջոցներից «Թուրան» գործակալությունը տեղեկատվություն է տարածել, որ անձամբ Բաքվի բռնապետի ինքնաթիռը Ռուսաստանի օդային տարածքում անցյալ տարեվերջին ենթարկվել է ռադիոէլեկտրոնային պայքարի միջոցների ազդեցության և հաշվի առնելով բարձր ռիսկայինությունը ստիպված է եղել վերադառնալ արհեստածին Ադրբեջան։

Մեր տարածաշրջանը հարափոփոխ վիճակում է, երբ ամեն ինչ գրեթե ամենօրյա ռեժիմով զարգանում, փոփոխվում և շրջադարձերի է ենթարկվում։

Այս առումով ամենևին էլ բացառություն չեն ռուս-ադրբեջանական հարաբերությունները որոնցում առկա խութերն ու, մեղմ ասած, տարաձայնությունները արդեն իսկ զգալիորեն տեսանելի են դառնում»,- գրել է նա։