Իրանահայ համայնքի դռները փակ են մնում Նիկոլի ու նրա գործակատարների դիմաց․ ընտրություններում հաղթել է ՀՅԴ-ի թեկնածուն․ Ռոբերտ Մարգարյան

Իրանի իսլամական խորհրդարանի 12-րդ գումարման ընտրությունների նախնական տվյալների համաձայն Թեհրանի և հյուսիսային իրանահայության ընտրատարածքում ձայների ավելի քան 82 տոկոսը շահելով հաղթել է ՀՅԴ-ի և նրա կից կառույցների աջակցությունը վայելող թեկնածու Արա Շահվերդեանը: Այս մասին ֆեյսբուքյան իր էջում գրել է քաղաքագետ-իրավաբան Ռոբերտ Մարգարյանը:

«Արա Շահվերդյանը նախորդ ընտրություններում հաղթել էր շահելով ձայների 62,5 տոկոսը:

Ընտրություններում ծանր պարտություն են կրել մյուս երկու թեկնածուները, որոնց իրենց աջակցություն էին հայտնել նիկոլի ու զարեհ սինանյանի հետ սելֆի անող ու Արցախը հանձնած իշխանություններին սատարող ուժերը:

Ամփոփելով կարելի է ասել անցած ամռանը տեղի ունեցած Թեհրանի հայոց թեմի Պատգամավորական ժողովի ընտրություններից հետո թեհրանահայ համայնքը երկրորդ անգամ «Ոչ» ասաց Հայաստանի դավաճան իշխանություններին սատարող ուժերին:

Այլ խոսքով չնայած համայնքը պառակտելու բոլոր ձախողած փորձերին Իրանահայ համայնքի դռները շարունակում են փակ մնալ նիկոլի ու նրա իշխանության գործակատարների դիմաց»: