Ոստիկանությունում Անդրանիկ Քոչարյանի անհեթեթ հորդորն արհամարհել և որևէ տվյալ չեն փոխանցել Պն-ին. Բաբայան

Իշխանական պատգամավոր Անդրանիկ Քոչարյանը ոստիկանությանը հորդորել էր, որ խաղաղ ակցիաներից ոստիկանության բաժիններ բերման ենթարկված մասնակիցների տվյալները ոստիկանությունը փոխանցի պաշտպանության նախարարությանը, որպեսզի նրանց «բանակ տանեն»: Ցուցարարներին վախեցնելու այս փորձը իշխանական պատգամավորը ձևակերպել էր, թե իբր կարող են լինել մարդիկ, որոնք խուսափել են զինվորական ծառայությունից կամ ԶՈւ եռամսյա հավաքներից: Այս մասին գրում է «Պատիվ ունեմ» դաշինքի ներկայացուցիչ Արսեն Բաբայանը:

«Օրեր առաջ ոստիկանությանը պաշտոնական հարցում էի ուղարկել պարզելու, թե արդյո՞ք ոստիկանությունն ընթացք է տվել պատգամավորական այդ անհեթեթ հանձնարարականին: Պարզվեց, որ ոստիկանությունում, ի պատիվ իրենց, առհամարել են Քոչարյանի այդ անհեթեթ հորդորը և որևէ տվյալ չեն փոխանցել պաշտպանության նախարարությանը:

Իրականում շատ անբնական կլիներ, եթե ոստիկանությունը չառհամարեր պետական համակարգից հազարավոր կիլոմետրեր հեռու գտնվող Անդրանիկ Քոչարյանի այդպիսի խայտառակ «հանձնարարականը»»,- գրել է նա: