Արարատի մարզում Mercedes-ը, մի քանի պտույտ շրջվելով, գլխիվայր հայտնվել է դաշտում. կան վիրավորներ

Մարտի  10-ին խոշոր ավտովթար է տեղի ունեցել Արարատի մարզում: Ժամը 22:30-ի սահմաններում Mercedes  մակնիշի ավտոմեքենան Երևան-Երասխ ավտոճանապարհի 12-րդ կմ հատվածում դուրս է եկել ճանապարհի երթևեկելի գոտուց, մի քանի պտույտ շրջվել և գլխիվայր հայտնվել է դաշտում, հայտնում է shamshyan.com–ը։

Վթարի հետևանքով 2 մարդ շտապօգնության ավտոմեքենաներով տեղափոխվել են հիվանդանոց: 

Վթարի մասին տեղեկությունը փոխանցվել է ոստիկանության Մասիսի բաժին, որտեղից ժամանել է  հերթապահ խումբը՝ հետաքննական բաժանմունքի հետաքննիչի գլխավորությամբ, ում կողմից վթարի փաստով նյութեր են նախապատրաստվում:

Ոստիկանությունը պարզում է վարորդի և վիրավորների ինքնությունը: