Անթալիայում ավարտվել են Լավրովի և Կուլեբայի բանակցությունները

Անթալիայում ավարտվել է Ռուսաստանի և Ուկրաինայի արտգործնախարարներ Սերգեյ Լավրովի և Դմիտրի Կուլեբայի հանդիպումը՝ Թուրքիայի արտգործնախարար Մևլութ Չավուշօղլուի մասնակցությամբ. հայտնում է ՏԱՍՍ-ի թղթակիցը։

Բանակցությունները տեղի են ունեցել դիվանագիտական ֆորումի շրջանակում և տևել ավելի քան մեկուկես ժամ։ Այս հանդիպումը բարձր մակարդակով առաջին շփումն էր Ուկրաինայում Ռուսաստանի հատուկ ռազմական գործողության մեկնարկից ի վեր։

Ուկրաինայի ԱԳՆ ղեկավարը հայտնել է, որ Լավրովի հետ հանդիպման ընթացքում քննարկվել են հումանիտար միջանցքների բացման ու հրադադարի հարցեր։ Կուլեբան ասել է, որ կողմերը դեռևս չեն կարողացել հրադադարի մասին որոշման գալ, և բանակցությունները բարդ են եղել։