Ինչո՞ւ կառավարության անդամները չեն ներկայանում ԱԺ. բանավեճ պատգամավորների միջև

Արդեն երկրորդ օրն է՝ զեկուցվել է առավել քան 10 հարց, որոնցից մի քանիսը սահմանադրական օրենքներ են, և կառավարությունից որևէ մեկը լայաղ չի արել գալ ԱԺ և հարց զեկուցել: Սա պարսավելի և անընդունելի պրակտիկա է կառավարության անդամների կողմից․ ԱԺ-ում ասաց «Հայաստան» խմբակցության Արթուր Խաչատրյանը:

Պատգամավորին արձագանքեց Հակոբ Արշակյանը՝ ասելով, որ, ըստ պաշտոնյաների զբաղվածության, նրանց փոխարինող գալիս է տեղակալը կամ ՊԵԿ-ից ներկայացուցիչ, դա կարգ է:

«Նախարարն ինչ ավելի կարևոր բան պետք է ունենա խորհրդարանական երկրում, գալուց և սահմանադրական օրենք զեկուցելուց բացի: Ես վստահ եմ, որ բոլոր նախարարություններում էլ կան շատ բանիմաց մասնագետներ, բայց կարող է՝ վաղն էլ վարչության պետերը գա՞ն»,- ասաց Խաչատրյանը: