Կրեմլից պատասխանել են Էրդողանի հրավերին

Ռուսաստանի Դաշնության նախագահ Վլադիմիր Պուտինը կօգտվի Թուրքիայի նախագահ Ռեջեփ Թայիփ Էրդողանի՝ Թուրքիա այցելելու առաջարկից, երբ թույլ տան համաճարակաբանական իրադրությունն ու ժամանակացույցը։ Այս մասին հայտնել է  Ռուսաստանի նախագահի մամուլի քարտուղար Դմիտրի Պեսկովը:

Անդրադառնալով Էրդողանի կատարած հայտարարությանն առ այն, որ Ռուսաստանի նախագահին հրավիրել է Թուրքիա և սպասում է Կրեմլի պատասխանին՝ Պեսկովը մասնավորապես ասել է

«Այո, այդ թեման բազմիցս բարձրացվել է նախագահ Պուտինի և Էրդողանի վերջին մի քանի շփումների ընթացքում»։

Նա նշել է, որ այժմ որոշակի դադար է թե՛ միջկառավարական հանձնաժողովի, թե՛ երկու նախագահի գլխավորած երկկողմ հարաբերությունների բարձրագույն մարմնի աշխատանքներում: Հավելել է, որ Էրդողանն ասել է, որ ինքը պատրաստ է այդ բոլոր միջոցառումներն անցկացնել Թուրքիայում։