Վաշինգտոնը պահանջել է Կիևում դեսպանատան աշխատակիցների ընտանիքներից՝ լքել Ուկրաինան

Պետդեպարտամենտը Կիևում ԱՄՆ դեսպանատան աշխատակիցների ընտանիքներին կոչ է արել լքել Ուկրաինան «ռուսական հնարավոր միջամտության» պատճառով, նաև իր քաղաքացիներին խորհուրդ է տվել զերծ մնալ երկու հակամարտող երկրներ մեկնելուց։

Հրաման է արձակվել, համաձայն որի՝ Կիևում ամերիկյան դեսպանատան որոշ աշխատակիցներ կարող են ինքնակամ լքել Ուկրաինան։

«2022 թվականի հունվարի 23-ին Պետդեպարտամենտը թույլատրել է իր ամերիկացի աշխատակիցներին՝ կամավոր հեռանալ, և հրամայել է նրանց ընտանիքներին՝ հեռանալ Կիևում դեսպանատնից Ռուսաստանի կողմից ռազմական գործողությունների շարունակական սպառնալիքի պատճառով»,- ասվում է գերատեսչության հայտարարության մեջ։