Ռուսաստանն ուշադիր հետևում է Հայաստանի և Ադրբեջանի սահմանին տիրող իրավիճակին. Մարիա Զախարովա

Ռուսաստանը շարունակում է ուշադիր հետևել սահմանին տիրող իրավիճակին զինվորականների և սահմանապահների միջոցով․ ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։

Զախարովան հիշեցրել է, որ նոյեմբերի 16-ին սահմանին լարվածությունը վերացվել է Ռուսաստանի արդյունավետ միջնորդությամբ, այժմ շփումներ են իրականացվում հայ և ադրբեջանցի գործընկերների հետ։

«Այժմ հատուկ ուշադրություն է դարձվում Հարավային Կովկասում առևտրատնտեսական և տրանսպորտային կապերի վերականգնմանը»,- նշել է նա:

«Մենք անում ենք հնարավորը, որպեսզի քայլեր ձեռնարկենք տարածաշրջանում կայունության ամրապնդման և խաղաղ կյանքի հաստատման համար: Այժմ հատուկ ուշադրություն է դարձվում առևտրատնտեսական և տրանսպորտային կապերի վերականգնմանն ու զարգացմանը»,- ասել է ՌԴ ԱԳՆ պաշտոնական ներկայացուցիչը: