Բաքուն և Մոսկվան շարունակում են համաձայնեցնել Ղարաբաղում ռուս խաղաղապահների մանդատի հարցը. Ադրբեջան

Ադրբեջանն ու Ռուսաստանը քննարկում են լրացուցիչ իրավական մեխանիզմներ՝ կապված Ղարաբաղում ռուս խաղաղապահների մանդատի հետ. այս մասին հայտարարել է Ադրբեջանի նախագահի օգնական Հիքմեթ Հաջիևը:

«Ինչ վերաբերում է խաղաղապահների մանդատի վերաբերյալ լրացուցիչ համաձայնագրերին և լրացուցիչ իրավական մեխանիզմներին, ապա այս առումով կողմերի միջև եղել են նախնական շփումներ, և որոշակի քննարկումներ դեռ շարունակվում են», - ասել է Հաջիևը BBC-ին տված հարցազրույցում:

Նա ընդգծել է, որ Ղարաբաղում ռուս խաղաղապահների գործունեությունն ու գործողություններն իրականացվում են նոյեմբերի 10-ի եռակողմ հայտարարության համաձայն, որը ստորագրել են Հայաստանի և Ադրբեջանի, Ռուսաստանի ղեկավարները:

Հաջիևն ասել է, որ նոյեմբերի 10-ի եռակողմ հայտարարությունը խաղաղապահ ժերի համար սահմանում է «քաղաքական և որոշակի չափով իրավական շրջանակ»: