Ադրբեջանի նախկին արտգործնախարարն առաջարկել է մեկուսացնել ԱՄՆ-ի, Ֆրանսիայի և Ռուսաստանի դեսպաններին

Ադրբեջանի նախկին արտգործնախարար Թոֆիգ Զուլֆուգարովը հայտարարել է, որ Ռուսաստանի, Ֆրանսիայի և ԱՄՆ-ի դեսպանները, որոնք հրաժարվել են ընդունել Իլհամ Ալիևի՝ հայկական օկուպացված Շուշի քաղաք այցելելու հրավերը, պետք է մեկուսացվեն, մինչև չգնան Շուշի։

Զուլֆուգարովը Facebook-ի իր էջում գրել է. «Մինսկի խումբը վերջապես մահացավ: 3 պետությունների դեսպաններին ենթարկել պաշտոնական և հասարակական մեկուսացման (չընդունել նրանց և չընդունել որևէ միջոցառման նրանց հրավերները) մինչև նրանք չգնան Շուշի: Յուրաքանչյուր ոք, ով խախտում է այս կանոնը, պետք է քննադատվի լրատվամիջոցներում»:

Հիշեցնենք, որ Գերմանիայի դեսպանը նույնպես հրաժարվել էր մեկնել Շուշի։

Ֆրանսիայի դեսպանատանը հրաժարվել էին մեկնաբանել ֆրանսիացի դեսպանի՝ Շուշի մեկնելուց հրաժարվելը՝ հայտարարելով, որ դեսպանի գրաֆիկը չի մեկնաբանվում։