Google-ի և Facebook-ի աշխատակիցները ստիպված կլինեն տանից աշխատել մինչև տարեվերջ

Google-ի գլխավոր տնօրեն Սունդար Պիչային, ընկերության աշխատակիցներին ուղղված նամակում հայտնել է, որ նրանք ստիպված կլինեն տանից աշխատել մինչև հոկտեմբեր և, հնարավոր է, նույնիսկ մինչև տարեվերջ, հաղորդում է Ведомости-ն՝ հղում տալով Bloomberg-ին:

Google-ի ներկայացուցիչը հաստատել է, որ աշխատակիցների մեծամասնությունը հարկադրված կլինի տանից աշխատել ընդհուպ 2021-ը:

Նրանք, որոնց համար պարտադիր է աշխատավայրում գտնվելը, կկարողանան աշխատանքի գնալ հունիս-հուլիս ամիսներին: 

Facebook-ը, ավելի վազ, նույնպես իր աշխատակիցներին տեղեկացրել է, որ նրանք կարող են մինչև տարվա վերջ հեռավար կերպով աշխատել: Ընկերությունը չի ծրագրում գրասենյակները բաց անել հուլիսի 6-ից շուտ: