Իրանում կորոնավիրուսից զոհերի թիվը հասել է 6.277-ի. IRNA

Իրանում կորոնավիրուսով վարակման դեպքերի թիվը հասել է 98647-ի, մահվան դեպքերը` 6277-ի, գրանցվել է ապաքինման 79397 դեպք. այս մասին տեղեկացնում է IRNA-ն՝ Իրանի առողջապահության եւ բժշկական կրթության նախարարության հասարակայնության հետ կապերի վարչության պետ  Քիանուշ Ջահանփուրի հայտարարությանը հղումով. հայտնում է Yerkir.am-ը։

Նա, մասնավորապես, նշել է. «Անցյալ օրվա ընթացքում գրանցվել է կորոնավիրուսով վարակման 1.223 նոր դեպք: Վարակվածների ընդհանուր թիվը հասել է 97.424-ի», ու հավելել, որ անցած օրվա ընթացքում, դժբախտաբար, 74 մարդ է մահացել։

Պաշտոնյան միևնույն ժամանակ հստակեցրել է, որ Իրանում կորոնավիրուսից մահացել է ընդհանուր 6.277 մարդ: Ջահանփուրի խոսքով` վարակվածների շրջանում արձանագրվել է վերականգնման 79397 դեպք: