Սիրիայի Հալեպի նահանգում գտնվող՝ հզորությամբ երկրորդ ՀԷԿ-ն անցել է կառավարական ուժերի վերահսկողության տակ

Սիրիայի Հալեպի նահանգում գտնվող Թըշրինի՝ հզորությամբ երկրորդ հիդրոէլեկտրակայանն անցել է կառավարական ուժերի վերահսկողության տակ. ըստ Yerkir.am-ի՝ հայտնում է ՏԱՍՍ-ը՝ Սիրիայում ՌԴ-ի զինված ուժերի զորախմբի հրամանատարության ներկայացուցիչ Բորիս Ֆոմիչովին հղումով:

Նոյեմբերի 18-ից ռուսական ռազմական ոստիկանությունը կսկսի պարեկել ռազմավարական այդ կարեւոր օբյեկտի շրջակա տարածքը:

Ներկայիս դրությամբ կայանն էլեկտրաէներգիա է մատակարարում Ռաքայի ու Հալեպի նահանգներին: ՀԷԿ-ի հզորությունը շուրջ 630 մեգավատտ է:

Հալեպի նահանգի համար էլեկտրաէներգիանառանձնակի նշանակություն ունի, որովհետև նահանգի մայրաքաղաքը երկրի տնտեսական ու արդյունաբերական մայրաքաղաքն է: Այս պահին Սիրիայի իշխանությունները դրա ակտիվ վերականգման փուլում են:

Հիշեցնենք, որ նոյեմբերի կեսերին կառավարական ուժերի վերահսկողության տակ էր անցել երկրում ամենամեծ՝ Ռաքայի նահանգի Թաբքա քաղաքում տեղակայված ՀԷԿ-ը: