Էրդողանին չեն անհանգստացնում իր դեմ կիրառվելիք պատժամիջոցները

Թուրքիայի նախագահ Ռեջեփ Թայիփ Էրդողանը հայտարարել է, որ Անկարան մտահոգված չէ կիրառվելիք պատժամիջոցներից և մտադիր է շարունակել սահմանային «Խաղաղության ակունք» գործողությունը Սիրիայում: Այս մասին հաղորդում է ՏԱՍՍ գործակալությունը:

«Մեր նպատակը հայտնի է, և մենք անհանգստացած չենք պատժամիջոցների պատճառով: «Ժողովրդական ինքնապաշտպանության ուժերը» (YPG) արագորեն կորցնում են իրենց դիրքերը: Մեր նպատակը ահաբեկիչներին հետ քշելն է 32 կմ խորությամբ»,- նշել է նա և հայտարարել, որ շարունակվում են բանակցությունները Ռուսաստանի ու ԱՄՆ-ի հետ սիրիական Մանբիջ և Քոբանի քաղաքների վերաբերյալ:

Էրդողանն այդքան էլ վատ չի վերաբերվում սիրիական կառավարական ուժերի կողմից Մանբիջ մուտք գործելուն, որովհետև ըստ նրա, վերջին հաշվով, դա նրանց տարածքն է: