Նախապատվությունը տրվում է երկրի շահերին. Իրանի ԱԳՆ տեղակալ

Բնական է, որ Իրանը մտադիր չէ լարվածություն եւ հակամարտություն ստեղծել, բայց մեզ համար կարեւորն ազգային շահերի ապահովումն է: Միջուկային համապարփակ համաձայնագրի հետ կապված չունենք որեւէ նախապաշարում. ասել է Իրանի ԱԳ նախարարի`  քաղաքական հարցերով տեղակալ Աբաս Արաղչին: Այս մասին տեղեկացնում է alikonline.ir-ը` հղում անելով Իրանի հեռուստաընկերության երկրորդ ալիքին:

«Իրանի Իսլամական Հանրապետության կարմիր գիծը ՄԱԿ-ի ԱԽ-ում միջուկային հիմնահարցի վերաարծարծումն է եւ պատժամիջոցների վերականգնումը»,- հստակեցրել է իրանցիդիվանագետը` հավելելով. «Եթե առաջիկա 60 օրվա ընթացքում 4+1-ը (Մեծ Բրիտանիա, Ֆրանսիա, Գերմանիա, Ռուսաստան, Չինաստան) միջուկային հարցը վերաարծարծվի ՄԱԿ-ի ԱԽ-ում, կամ վերականգնվեն սառեցված պատժամիջոցները, ապա Միջուկային համապարփակ համաձայնագիրն ամբողջովին կվերանա, եւ մյուս կողմն Իրանի Իսլամական Հանրապետության կտրուկ եւ ամուր պատասխանը կստանա»: