Հայոց ցեղասպանության վերաբերյալ արխիվային փաստաթղթեր ներառող գիրքը թարգմանվել է թուրքերեն

Արխիվային փաստաթղթեր պարունակող և երեք հատորից բաղկացած «Հայոց ցեղասպանությունն Օսմանյան կայսրությունում. ողջ մնացածների ապացույցները» գիրքը հրատարակվել է Թուրքիայում` մեկ հատորով. աղորդում է ermenihaber.am կայքը:

1500 օրինակով հրատարակված գիրքը լույս է տեսել հայ թյուրքագետ Տիրան Լոքմագյոզյանի, մարդու իրավունքների պաշտպան Ռագըփ Զարաքոլուի, Հայաստանի Ազգային արխիվի տնօրեն Ամատունի Վիրաբյանի և Ռուբեն Գալչյանի ջանքերով:

Ըստ Զարաքոլուի` 1916-17 թթ. վերաբերյալ ապացույցներ պարունակող գիրքը, պատմության, քաղաքականության և իրավունքի տեսանկյունից շատ կարևոր փաստաթղթեր է ներառում:

Գիրքը պարունակում է Վանի, Բիթլիսի, Դիարբեքիրի, Կարինի, Սեբաստիայի, Խարբերդի, Տրապիզոնի հայերի 605 վկայություն:

Նշվում է նաև, որ  գիրքը նախատեսվում է թարգմանել ռուսերեն, իսպաներեն և ֆրանսերեն: