Բրիտանիայի ամենատգեղ շունը` Չեյսը, այսօր սատկել է. BBC

Բրիտանիայի ամենատգեղ շունը, որն ուներ աչքի կատարակտ հիվանդությունը և չուներ ատամներ, այսօր սատկել է: Այս մասին տեղեկացրել է շան տերը. հաղորդում է BBC-ն:

Չեյսը, որը չինական ցեղատեսակի ճաղատ շուն է, Կալիֆոռնիայում 2017 թվականին կայացած «Աշխարհի ամենատգեղ շուն» մրցույթում զբաղեցրել էր պատվավոր երրորդ հորիզոնականը:

Շան սատկելու պատճառն արդեն հայտնի է: Հարավային Ուելսում բնակվող Չեյսի տերը`Սթորմ Շայլերը, տեղեկացրել է, որ նա սատկել է ենթաստամոքսային գեղձի բորբոքումից 16 տարեկան հասակում:

«Նույնիսկ իր կյանքի վերջին վայրկյաններին նա չկորցրեց իր հմայքը»,- ասել է նա` հավելելով. «Չեյսը փոքր շուն էր` մեծ անհատականությամբ, և միակն էր իր տեսակի մեջ»:

Շայլերը նշել է նաև, որ ինքը երբեք չէր պատկերացնի, որ Չեյսը, որին ինքը շների բուծարանից էր գնել, կարող էր մրցույթի հաղթող դառնալ:

Շունը հաղթող էր ճանաչվել աչքի կատարակտի և ծովախեցգետնի քայլվածք ունենալու համար: