Թաքսիմն աշխարհի ամենատգեղ հրապարակն է՝ այնտեղ հայերի գերեզմանատուն է եղել. Դավութօղլու

Ամասիայից վերադարձի ճանապարհին Haberturk-ի լրագրողի հետ զրույցում Թուրքիայի վարչապետ Ահմեդ Դավութօղլուն խոսել է Պոլսի շինությունների մասին:

Վարչապետն ասել է, որ Թաքսիմի հրապարակն աշխարհի ամենատգեղ հրապարակն է:

«Հրապարակ ասելիս հասկանում եմ Վենետիկի և Սպահանի հրապարակները: Հրապարակն, այ, դրանք ենք: Այդ հրապարակներում լինելուց հետո Թաքսիմում, ասես, դատարկության մեջ ընկնես: Քանի որ այնտեղ, Վենետիկի և Սպահանի նման, ժամանակի ընթացքում հրապարակի զարգացած մշակույթ չեք կարող տեսնել: Թաքսիմը պատահական է հրապարակ դարձել: Եթե զորանոցը չքանդվեր, այդտեղ հրապարակ չէիք տեսնի: Այնտեղ նախկինում հայկական գերեզմանատուն է եղել»,- ասել է Դավութօղլուն: