Վրաստանի ընդդիմությունը միավորվում է Իվանիշվիլիի դեմ

Վրաստանի ընդդիմադիր քաղաքական հատվածի գլխավոր նպատակն է միավորվել «Վրացական երազանք» կուսակցության հիմնադիր և նախագահ  Բիձինա Իվանիշվիլիի դեմ: Այդ մասին հայտարարել են քաղաքական գործիչները «Նոր Վրաստան» քաղաքական հարթակի եկրկորդ համագումարում. հայտնում է newsgeorgia.ge-ն:

«Ընդդիմությունը միավորվում է, որպեսզի մեկընդմիշտ արմատախիլ անի Բիձինա Իվանիշվիլիի քրեական ռեժիմը»,- կայքը մեջբերում է «Միասնական ազգային շարժում» նախկին իշխող կուսակցության առաջնորդներից մեկին` Գրիգոլ Վաշաձեին:

Ընդդիմադիր միավորման ներկայացուցիչները պատրաստակամություն են հայտնել համագործակցել արևմտամետ կողմնորոշում ունեցող բոլոր կուսակցությունների հետ և անհրաժեշտ են համարում վաղաժամ ընտրություններ անցկացնել համամասնական համակարգով: