Sony-ն, Toshiba-ն եւ Hitachi-ին միավորվում են

Ճապոնական Sony Corp, Toshiba Corp եւ Hitachi Ltd ընկերությունները միավորվում են` սմարթֆոնների եւ տեսախցիկների համար հեղուկբյուրեղային էկրաններ ստեղծելու համար:

Ինչպես գրում է Gazeta.ru-ն, միավորման արդյունքում կստեղծվի Japan Display ընկերությունը, որը մասնագիտացված է լինելու սմարթֆոնների եւ պլանշետային համակարգիչների համար հեղուկբյուրեղային դիսփլեյների արտադրությամբ։ Նախատեսվում է, որ ընկերությունը ստեղծվելու է մինչեւ 2012 թվականի գարունը:

Պետական Inonovation Network Corp. of Japan ընկերությունն այս գործում ներդրել է 2.6 միլիարդ դոլար, եւ հետագայում նրան է պատկանելու նորաստեղծ ընկերության բաժնետոմսերի 70 տոկոսը:

Սպասվում է, որ ճապոնական այս երեք հսկա ընկերությունների միավորումը շուկայից դուրս է մղելու շուկայի առաջատար Sharp Corp-ին: