Թուրքիային զայրացրել է Մելանյա Թրամփի այցելությունը «գյուլենական» դպրոց

ԱՄՆ առաջին տիկին Մելանյա Թրամփը մարտի 4-ին այցելել էր Օքլահոմա նահանգի  Տուլսա քաղաքում գտնվող  չարտերային դպրոցներից մեկը: Այս փաստը զայրացրել է Թուրքիային, քանի որ, ըստ նրանց, այդ դպրոցը պատկանում է Թուրքիայում ահաբեկիչ համարվող Ֆեթուլլահ Գյուլենին. հայտնում է ensonhaber.com կայքը:

Առաջին տիկինն իր այցի մասին «Թվիթեր»-ում գրառում է կատարել:

Նշենք, որ Գյուլենը, ինչպես Թուրքիայում, այնպես էլ աշխարհի մի շարք երկրներում, ունի մասնավոր դպրոցների խոշոր ցանց, և 2016 թ. հուլիսի 15-ի անհաջող հեղաշրջումից  հետո, որում Թուրքիան մեղադրում է Գյուլենին, երկիրը մինչ օրս պահանջում է ԱՄՆ-ից` արտահանձնել «ահաբեկչին»: