Սկանդալ` Թուրքիայում. Գյուլենական շարժումը օժանդակել է ԱՄՆ Սենատին՝ Հայոց ցեղասպանության բանաձևի ընդունման համար

Թուրքիայում սկանդալ է առաջացրել Sabah-ի հրապարակած լուրը, ըստ որի,` Էրդողանի գլխավոր ընդդիմադիրներից համարվող կրոնական շարժման առաջնորդ Ֆեթուլլահ Գյուլենը վեց տարի շարունակ ֆինանսական օժանդակություն է ցույց տվել ԱՄՆ Սենատի հանձնաժողովի կողմից ընդունված Հայոց ցեղասպանության օրինագիծն առաջադրող Ռոբերտ Մենենդեսին:

Ըստ Ensonhaber-ի՝ հայտնի է դարձել, որ Գյուլենի հետ կապ ունեցող երկու դպրոցների և տարբեր կառույցների կողմից 9500 դոլար գումար է տրամադրվել, որը դեռևս ոչ պաշտոնական տվյալներ են: Կայքը հայտնել է, որ նվիրատվություն են արել նաև Գյուլենի հետ կապ ունեցող Samanyolu ուսումնական կենտրոնը՝ 2011 թվականին 1000 դոլար, թուրքական քոլեջը՝ 3000 դոլար, թուրք գործարար Մելիհ Յըլդըևը՝ 2000 դոլար և նման այլ նվիրատվություններ: 

Նշենք, որ վերջերս որոշ թուրքական ԶԼՄ-ները պնդում էին, թե Ֆեթուլլահ Գյուլենը ծագումով հայ է: