ԱՄՆ-ը միջուկային համաձայնագրից դուրս գալու որոշում է կայացրել` առանց Սպիտակ տանը խորհրդակցություն անցկացնելու.The Washington Post

ԱՄՆ-ը Միջին և փոքր հեռահարության հրթիռների ոչնչացման մասին համաձայնագրից դուրս գալու որոշում է կայացրել` առանց Սպիտակ տանը որևէ միջգերատեսչական խորհրդակցության: Այդ մասին, ըստ Газета.ру-ի, գրում է The Washington Post –ը` Պենտագոնի նախկին ղեկավար Ջեյմս Մեթիսի` հեռանալուց առաջ թողած նամակին հղումով:

Մեթիսն իր կտրուկ նամակում բողոքել է ԱՄՆ նախագահի ազգային անվտանգության հարցերով խորհրդական Ջոն Բոլթոնին, որ նման հանդիպումների  դեֆիցիտը վնաս է հասցնում քաղաքականությանը:

Պարբերականը նշում է, որ «ղեկավարների արտաքին քաղաքական կոմիտեի» պաշտոնական նիստերը, որոնց կազմում ներառված են ԱՄՆ ՊՆ ղեկավարը, պետքարտուղարը, ֆինանսների նախարարն ու գլխավոր դատախազը, Բոլթոնի ժամանակ հազվադեպ են դարձել: