ԱՄՆ զորքերի ներկայությունը տարածաշրջանում չտրամաբանված քայլ էր. Իրանի ԱԳՆ խոսնակ

Տարածաշրջանում ԱՄՆ զորքերի ներկայությունն ի սկզբանե սխալ էր: Նրանց ներկայությունը տարածաշրջանում հավելյալ լարվածության եւ անկայունության պատճառ է դարձել: ԻՌՆԱ-յի փոխանցմամբ այդ մասին հայտարարել է Իրանի ԱԳՆ պաշտոնական ներկայացուցիչ Բահրամ Ղասեմին՝ պատասխանելով լրագրողների՝ Սիրիայից ԱՄՆ զորքերի դուրս բերման մասին հարցին:

«ԱՄՆ զորքերի ներկայությունը տարածաշրջանում չտրամաբանված քայլ էր: Վերջին տասնամյակների ընթացքում տարածաշրջանում տեղի ունեցած իրադարձությունները փաստում են, որ արտատարածաշրջանային ուժերի ներկայությունը տարածաշրջանում հավելյալ լարվածությունից ու անկայունությունից բացի, այլ արդյունք չի ունեցել»,- ասել է Իրանի ԱԳՆ մամուլի խոսնակը: