Զուրաբիշվիլին ասել է, որ ՌԴ-ի հետ համագործակցության համար անհարմար ժամանակ է. Մոսկվան արձագանքել է

Ռուսաստանը և Վրաստանը պետք է ձգտեն հարաբերությունների կարգավորմանը` չնայած Վրաստանի նորընտիր նախագահ Սալոմե Զուրաբիշվիլիի այն հայտարարությանը, որ ներկայումս անհարմար ժամանակ է ՌԴ-ի հետ համագործակցության համար: Այդ մասին РИА Новости-ին ասել է սենատոր Օլեգ Մորոզովը:

Վրաստանի նորընտիր նախագահ Սալոմե Զուրաբիշվիլին BBC-ին տված հարցազրույցում կասկած է հայտնել,  որ ՌԴ-ի հետ համագործակցություն կլինի երկրի` Վրաստանի և Ուկրաինայի նկատմամբ քայլերի պատճառով:

«Վաղաժամ է վերջնական եզրահանգումներ անել: Դարձյալ Վրաստանի նախագահը Ուկրաինայի մասին ասում է այն, ինչը երկրից սպասում են Եվրոպայում և Վաշինգտոնում: Սակայն կարևոր է, որ տիկին Զուրաբիշվիլին չի բացառում ռուս-վրացական հարաբերությունների կարգավորման հնարավորությունը: Պետք է փոխադարձաբար ձգտել դրան»,- ասել է Մորոզովը: