Որտե՞ղ է Արևմուտքը, որպեսզի դատապարտի Հալեպի դեմ ահաբեկիչների քիմիական հարձակումը. Զարիֆ

Իրանի ԱԳ նախարար Մոհամադ Ջավադ Զարիֆը թվիթերյան իր հերթական գրառման մեջ անդրադարձել է նախօրեին ահաբեկչական խմբավորումների կողմից Հալեպում իրականացված քիմիական հարձակմանը՝ դատապարտելով արեւմտյան երկրների լռությունն այդ կապակցությամբ:

«Որտե՞ղ է Արևմուտքը, որպեսզի դատապարտի Հալեպի դեմ ահաբեկիչների քիմիական հարձակումը: Արևմտյան կողմը քիմիական հարձակումը դատապարտում է միայն այն ժամանակ, երբ այն իբր իրականացվել է թշնամու, այլ ոչ թե դաշնակցի կողմից: Երբ Սադամն Իրանի դեմ քիմիական զենք օգտագործեց, բոլորի աչքերը փակ էին, իսկ երբ նա դարձավ թշնամի, պատերազմ հրահրեցին, որպեսզի ոչնչացնեն նրա քիմիական զենքը»,- Twitter-ի իր միկրոբլոգում գրել է Զարիֆը:

Հիշեցենք, որ ահաբեկչական խմբավորումների իրականացրած քիմիական հարձակման հետեւանքով Հալեպում 100 մարդ շնչահեղձ է եղել: