ՃՏՊ` Արարատի մարզում, մեքենան գլորվել է ձորը

Ապրիլի 28-ին, ժամը 23։20-ին «911» ծառայությանը տեղեկություն է ստացվել, որ Արարատի մարզի Նոր Կյուրին գյուղի մոտակայքում տեղի է ունեցել ՃՏՊ․ անհրաժեշտ է փրկարարների օգնությունը:

Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Նոր Կյուրին գյուղի սկզբնամասում բախվել են «ԳԱԶել» մակնիշի (վարորդը՝ Տ. Մ., 1984 թ. ծնված) բեռնատարը և «Saturn» մակնիշի ավտոմեքենան: ՃՏՊ-ի հետևանքով «Saturn» մակնիշի ավտոմեքենան դուրս է եկել ավտոճանապարհի երթևեկելի հատվածից և մոտ 5 մ գլորվել հարակից ձորակը․ տուժածներ չկան:

Փրկարարները հոսանքազրկել են ավտոմեքենան, դուրս բերել ձորակից և կատարել ավտոճանապարհի լվացման աշխատանքներ։

ԱԻՆ մամուլի ծառայություն