Կեմերովոյում հրդեհի սկսվելուց հետո երեխաները զանգահարել են հարազատներին և հրաժեշտ տվել նրանց

ՌԴ Կեմերովո քաղաքի «Զիմնյայա վիշնյա» 4-հարկանի առևտրի կենտրոնում երեկ տեղի ունեցած խոշոր հրդեհի ժամանակ մի խումբ դպրոցականներ արգելափակված են մնացել կինոդահլիճում. հայտնում է Комсомольская правда-ն:

Ըստ թերթի` հրդեհի սկսվելուց անմիջապես հետո երեխաները զանգահարել են հարազատներին և հրաժեշտ  տվել նրանց:

«Հրդեհի սկսվելուց հետո կինոթատրոնից ինձ զանգահարեց քրոջս աղջիկը: Նա ասում էր, որ ամեն ինչ այրվում է, կինոթատրոնի դռները փակ են: Նա ասում էր, որ չի կարողանում դուրս գալ, շնչել»,- պատմել է զոհերից մեկի մորաքույրը:

«Մայրիկիս փոխանցիր, որ ես իրեն սիրում էի: Բոլորին փոխանցիր, որ ես իրենց սիրում էի»,- ասել էր դպրոցականը:

Նշենք, որ առևտրի կենտրոն ֆիլմ դիտելու էին եկել Տրեշչևսկի գյուղից 12 տարեկան դպրոցականներ: