Արաբկիր ԲԿ-ի մոտակայքում, ծառը շրջվել է ավտոճանապարհի երթևեկելի հատված

Մարտի 24-ին, ժամը 18:49-ին ահազանգ է ստացվել, որ ուժեղ քամու հետևանքով Երևան քաղաքում Մամիկոնյանց փողոցում՝ Արաբկիր ԲԿ-ի մոտակայքում, ծառը շրջվել է ավտոճանապարհի երթևեկելի հատված. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ ծառը ընկել է Toyota camry մակնիշի 99 pp 009 պետհամարանիշի և Volkswagen Jetta մակնիշի 38 FF 388 պետհամարանիշի ավտոմեքենաների վրա (վարորդները տեղում չեն գտնվել):

Փրկարարները Արաբկիր վարչական շրջանի կանաչապատման աշխատակիցների հետ միասին ծառը հեռացրել են ավտոմեքենաների վրայից:

***

Մարտի 24-ին, ժամը 16:22-ին տեղեկություն է ստացվել, որ Մ-4 ավտոճանապարհի Երևան-Սևան հատվածի 37-րդ կմ-ի հատվածում քամու հետևանքով բարդու ծառն ընկել է՝ փակելով ճանապարհի երթևեկելի հատվածը. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Փրկարարները ճանապարհից հեռացրել են բարդին: