Մերկելը հույս է հայտնել, որ ՌԴ-ն կմասնակցի Սկրիպալի թունավորման գործի հետաքննությանը

Գերմանիայի կանցլեր Անգելա Մերկելը հույս է հայտնել, որ Ռուսաստանը կմասնակցի ռուս նախկին լրտես Սերգեյ Սկրիպալի թունավորման գործի հետաքննությանը. հայտնում է РИА Новости-ն:

«Ես կարող եմ միայն հույս ունենալ, որ Ռուսաստանը նույնպես կմասնակցի այդ հետաքննությանը»,- ասել է նա ճեպազրույցի ժամանակ` մեկնաբանելով Լոնդոնի` այդ գործով անկախ միջազգային հետաքննություն անցկացնելու մտադրությունը:

Հիշեցնենք, որ մարտի 14-ին Մեծ Բրիտանիայի վարչապետ Թերեզա Մեյը Ռուսաստանին էր մեղադրել ռուս նախկին լրտես Սերգեյ Սկրիպալի թունավորման մեջ և հայտնել  23 ռուսաստանցի դիվանագետների արտաքսման մասին: Ըստ բրիտանական կողմի` Սկրիպալի դեմ կիրառվել է ՌԴ-ում մշակվող «Նովիչոկ» գազը: Պաշտոնական Մոսկվան հերքում է մեղադրանքները և սպառնում պատասխան քայլերով: