ԱՄՆ Հայ Դատի հանձնախումբը Սենատին խնդրել է 70 միլիոն դոլար տրամադրել Հայաստանին և Արցախին

ԱՄՆ Հայ Դատի հանձնախումբը նամակ է հղել Սենատին՝ խնդրելով 70 միլիոն դոլար տրամադրել Հայաստանին և Արցախին:

Հանձնախմբի պաշտոնական կայքէջից տեղեկանում ենք, որ հանձնախումբը նման խնդրանք է ներկայացրել` բաց նամակով, Սենատի՝ 2019 ֆինանսական տարվա համար արտաքին օգնության մասին օրենքի նախագծի մշակմամբ զբաղվող հանձնաժողովին:

Նամակն ուղարկվել է ԱՄՆ Սենատի հանձնաժողովին ԱՄՆ Հայ դատի հանձնախմբի օրենսդրական հարցերով տնօրեն Րաֆֆի Քարաքաշյանի կողմից, որում խնդրում են տրամադրել 6 միլիոն դոլար Արցախին՝ ականազերծման և հաշմանդամների օգնության համար, 4 միլիոն դոլար՝ խաղաղության աջակցման համար, ինչպես նաև 30 միլիոն դոլար` Հայաստանին՝ որպես տնտեսական օգնություն, 10 միլիոն դոլար՝ որպես ռազմական օգնություն, 20 միլիոն դոլար՝ որպես Միջին Արևելքից փախստականների ընդունման համար օգնություն: