Իսրայելի վարչապետը ՄԱԿ-ը «ստի տուն» է անվանել

Իսրայելի վարչապետ Բինյամին Նեթանյահուն հայտարարել է, որ իր երկիրը կտրականապես մերժում է այսօր ՄԱԿ-ի Գլխավոր ասամբլեայում Երուսաղեմի կարգավիճակը չճանաչող բանաձևի քվեարկությունը`ՄԱԿ-ը «ստի տուն» անվանելով. հայտնում է РИА Новости-ն:

«Երուսաղեմն Իսրայելի մայրաքաղաքն է` ճանաչի դա ՄԱԿ-ը, թե` ոչ: Անհրաժեշտ էր 70 տարի, որպեսզի ԱՄՆ-ը ճանաչեր դա պաշտոնապես, և պետք կլինեն ևս տարիներ, որպեսզի դա ճանաչի ՄԱԿ-ը: Իսրայելի հանդեպ վերաբերմունքը շատ երկրների մոտ փոխվում է ՄԱԿ-ի պատերից դուրս, որը ստի տուն է»,- ասել է նա:

Վարչապետը նաև հավելել է, որ Իսրայելը չի ճանաչում ՄԱԿ-ի բանաձևն ու կշարունակի շինարարությունը Երուսաղեմի տարածքում: