Իսրայելի ՊՆ ղեկավարը Քերիին անվանել է "միամիտ և ձանձրալի"

Իսրայելի ՊՆ ղեկավար Մոշե Յալոնը խիստ քննադատության է ենթարկել ԱՄՆ պեետքարտուղար Ջոն Քերիի՝ պաղեստինցիների հետ խաղաղության հաստատման վերաբերյալ հայտարարությունը. հայտնում է Лента.ру-ն:

Տեղեկության համաձայն՝ ԱՄՆ-ում և Իսրայելում մասնավոր զրույցների ժամանակ նա ասել է, որ Քերիի մշակած պլանն «արժանի չէ այն թղթին, որին գրված է», իսկ պետքարտուղարին անվանել է «միամիտ և ձանձրալի»:

2013-ի մարտից ի վեր Քերին բազմիցս այցելել է Մերձավոր Արևելք ՝ պաղեստինցիներին և իսրայելցիների միջև խաղաղություն հաստատելու: Ամերիկյան պլանի հիմնական կետն այն է, որ իսրայելական զորքերը պետք է դուրս բերվեն Հորդանան գետի հովտից և այն պետք է անցնի պաղեստինյան անվտանգության ուժերի հսկողության տակ: