Մալթայում սպանվել է երկրի քաղաքական գործիչների կապը «Պանամական փաստաթղթերի» հետ հետաքննող լրագրողը

WikiLeаks-ի հիմնադիր Ջուլիան Ասանժը 20 հազար եվրո է խոստացել տեղեկության համար, որը կօգնի բացահայտել Մալթայում լրագրող Դաֆնե Կարուանա Գալիցիային սպանողներին: Այս մասին Ասանժը գրել է Twitter-ի իր միկրոբլոգում. հայտնում է ТАСС-ը:

Գալիցիան զոհվել է հոկտեմբերի 16-ին մեքենայի պայթյունից: Միջադեպի մանրամասները հայտնի չեն, սակայն տեղական մամուլը դիտարկում է կատարվածը որպես սպանություն: Rai News 24-ի տեղեկություններով` լրագրողը բլոգ ուներ, որում քննադատում էր կառավարությանը, խոսում կոռուպցիայի մասին, ինչպես նաև հետաքննում երկրի քաղաքական գործիչների կապը «Պանամական փաստաթղթերի» հետ:

Մալթայի իշխանությունները դիմել են Հետաքննությունների դաշնային բյուրոյին մեքենայի պայթյունի հետաքննության հարցում օգնություն ստանալու նպատակով: