Պարտավոր ենք շարունակել մեր անկախության մեծագույն արժեքները խորհրդանշող ճանապարհը. վարչապետ

ՀՀ վարչապետ Կարեն Կարապետյանն իր ֆեյսբուքյան էջում շնորհավորել է հայ ժողովրդին Հայաստանի առաջին Հանրապետության տոնի առթիվ.

«Շնորհավորում եմ բոլորիս Հանրապետության տոնի առթիվ: Մայիսի 28-ը կարևորագույն հանգրվան է մեր պետականության ու ժողովրդավարության կառուցման գործում: Չնայած բոլոր դժվարությունների ու անհաղթահարելի թվացող մարտահրավերների, 1918թ. մեր ժողովուրդը հերոսաբար վաստակեց ապրելու ու ապագա ունենալու իր անքակտելի իրավունքը: Այսօր պարտավոր ենք շարունակել մեր անկախության և ազատության մեծագույն արժեքները խորհրդանշող այդ ճանապարհը: Կրկին շնորհավորում եմ բոլորիս, մաղթում խաղաղություն ու տոնական բարձր տրամադրություն»:

Շնորհավորանքի հետ միասին նա տեղադրել է աշխարհահռչակ հայ երաժիշտ Սերժ Թանկյանի «Սարդարապատ» կատարումը: